《廣韻》、《唐韻》、《集韻》、《韻會》：「食川切(suân)」。
《集韻》：「余專切(uân)」只音咱 ê 話無傳，不在討論 ê 範圍。
1800 年泉腔 ê《彙音妙悟》：收佇川韻時母(suân)。
1818 年漳腔 ê《彙集雅俗通十五音》：收佇觀韻出母(tshuân)。
1873 年《廈英大辭典》：收「R. soân; C. (R.) chhoân]，「R.」代表文讀音，「chhoân」有註明「C.」，是漳州音。
1913 年《廈門音新字典》：收「Soân」，《甘字典》ê 大本字代表文讀音。
1931 年《臺日大辭典．上冊》：收「suân」。
結論，在來日本時代以前 ê 閩南語韻書，計無收「siân」，依我 ê 淺見，會共「船」--字讀做「siân」，是「叶韻」了後所致使 ê「誤讀」，種个(tsióng-ge)情形佇詩社 iá 四常，可比講「登鸛雀樓」，共題目 ê【樓 liô/lôo】--字誤讀做「liû」，也是種个例。